Padamyar FM

Some people always smile because they know smiling is easier than explaining why they are sad. တစ်ချို့သောလူတွေကအမြဲတမ်းပြုံးနေတတ်ပါတယ်။ ဘာလို့လဲဆိုတော့ ပြုံးနေခြင်းဆိုတာသူတို့ဘာကြောင့်ဝမ်းနည်းနေရလဲ ဆိုတာကိုရှင်းပြနေရတာထက်ပိုလွယ်ကူကြောင်းသူတို့နားလည်ထားလို့ပါတဲ့။ အပြုံးတစ်ပွင့် ရဲ့ စွမ်းဆောင်နိုင်စွမ်းကိုရည်ညွှန်း ဖော်ပြထားတဲ့စကားတစ်ခွန်းပါ။ လောကမှာရှင်သန်ရပ်တည်နေထိုင်ကြတဲ့ ပုတုဇဉ်လူသားတိုင်းနေ့စဉ်နဲ့အမျှ သမုဒ္ဒရာဝမ်း တစ်ထွာအတွက် ရှာဖွေရင်းလောဘမီးတွေ၊ ဒေါသမီးတွေ၊ မောဟမီးတွေနဲ့ လောင်မြှိုက်နေတတ်ကြပါတယ်။ ထို့အတူလောကက ပေးတဲ့အခက်အခဲတွေ အတားအဆီးအဟန့်အတားတွေကြောင့်လည်းစင်းလုံးချောအဆင်ပြေမှု ဆိုတာအရာတိုင်းမှာမရှိနိုင်တဲ့ အတွက် ခံစားမှုပေါင်းများစွာကိုရောပျွန်းလို့ ခံစားနေရတတ်ပါတယ်။  တစ်ချို့သောသူတွေအတွက် လွယ်ကူလွန်းတဲ့ကိစ္စရပ်တွေကသူတို့အတွက်မှ ခက်ခဲလွန်းတဲ့အခါမှာလည်းကျိတ်မနိုင်ခဲမရစိတ်ပျက် အားငယ်နေတာမျိုးတွေ လည်း ကြုံတွေ့ရတတ်ပါတယ်။ ဒါကတော့ ကြီးငယ်မဟူ ကြုံတွေ့ရမယ့် ဘဝရဲ့ အခက်အခဲတွေပါပဲ။ အဲဒီအခါမှာ ကျွန်တော်တို့ တွေ စိတ်ဆင်းရဲမှုတွေကိုခံစားရပါတယ်။ ဒါဆိုရင် အဲဒီစိတ်ဆင်းရဲမှု၊ ဝမ်းနည်းမှုတွေကိုပပျောက်အောင် ဘယ်လိုလုပ်ရ