Padamyar FM

All life is an experiment. The more experiments you make the better. ဒီစကားကတော့ လောကမှာနေထိုင်ကြတဲ့သူတိုင်း ဖြတ်ကျော်နေရတဲ့အခက်အခဲတွေကို အခြေပြုပြီး ဖြစ်တည်လာတဲ့ စကား တစ်ခွန်းပါ။ ဘဝ။ စကားလုံးကတော့ နှစ်လုံးထဲပါ။ ဒါပေမယ့် အဲဒီဘဝဆိုတဲ့အရာဟာ ဖြတ်သန်းရမယ့် လူသားတိုင်း အတွက် တော့ စမ်းသပ်မှုတွေချည်းပါပဲ။ လူ့လောကရဲ့စမ်းသပ်မှုတွေ ဘဝရဲ့ပြဿနာတော်တော်များများရဲ့ အပေါ်ယံကို ကြည့်ရင် မတူကွဲပြားသယောင်ရှိပေမယ့် အရင်းအမြစ်ကို ကြည့်တဲ့အခါမှာတော့ ဖြေရှင်းပုံဖြေရှင်းနည်းတွေကတော့ တစ်ခါတစ်လေ သံတူကြောင်းကွဲတွေဖြစ်နေတတ်ပါတယ်။ ကိုယ့်ဘဝမှာ ကြုံခဲ့ဖူး၊ ဖြတ်ကျော်ခဲ့ဖူးတဲ့ စမ်းသပ်မှုတွေကို မှတ်သင့်တာတွေကို မှတ်ထားမယ်ဆိုရင်တော့ နောက်ကိစ္စကို ဖြေရှင်းတဲ့အခါမှာ လွယ်ကူနိုင်ပါတယ်။ ဒါကြောင့် ဘဝရဲ့ စမ်းသပ် မှုတွေကို မငြင်းဆန်လိုက်ပါနဲ့။ ကိုယ့်အနေနဲ့ စမ်းသပ်မှု တစ်ခုကို အောင်မြင်တယ်ဆိုရင် အဲဒီစမ်းသပ်မှုရဲ့ရလာဒ် အောင်မြင်ခြင်း အပါအဝင် စိတ်ကျေနပ်မှုကို ရရှိပိုင်ဆိုင်ပါလိမ့်မယ်။ တကယ်လို့ ကိုယ်က စမ်းသပ်မှုမှာ ခြေချော်လက်ချော် ကျရှုံးခဲ့တယ်ဆိုရင် လည်း စမ်းသပ်မှုကို ဖြေရှင်းနေတဲ့အချိန်အတွင်းမှာ ရလိုက်တဲ့ အတွေ့အကြုံတွေက ဘာနဲ့မှ လဲလို့မရတဲ့ အမြတ်ပါ