Rvts Vest Podcast

Kvar dag tek menneske over heile landet kontakt med chat- og hjelpetelefonar når livet opplevast som vanskeleg eller uoversiktleg. Bak skjermane og telefonlinjene finst eit stort mangfald av hjelpetenester, frivillige og tilsette som lyttar, støttar og står i krevande samtalar – ofte i møte med sterke kjensler og komplekse livssituasjonar. Kva veit vi om belastninga, uvissa og behova i denne delen av hjelpetilbodet? I denne episoden ser vi nærare på status i feltet, kva utfordringar som møter dei som tek samtalane, og kva ressursar som kan bidra til tryggleik, kompetanse og håp i møtet med menneske i krise. I panelet: I panelet denne gongen møter du mellom andre leiar May-Irene Wergeland i Kirkens SOS Bjørgvin, Ove, som jobbar i chat og hjelpetelefon, Julie Andreassen (RVTS Vest), som har delteke i utviklinga av Trygge samtalar, og Steinar Hvål (RVTS Vest).